Beschreibung
“Viva scu cha tü morind vulessast avair vivü.”
Riet Campell (1866–1951) ans raquinta episodas our da sia vita, da l’infanzia a Susch, dals stüdis da bieraria a Minca, da l’actività sco bierer illa cuntschainta bieraria da Susch – l’odiern Muzeum. Dal 1892 ha’l expandü in Engiadin’Ota e fundà a Schlarigna üna seguonda bieraria prosperaivla. Sco pionier ha el ramassà blers ogets da cultura chasana e perfin cumprà stüvas istoricas interas per lura fundar l‘on 1906 il Museum Engiadinais a San Murezzan. In sia famiglia ed in quella da sia duonna Maria Campell-Bezzola (1871-1929) d’eira la colliaziun profuonda cun lur val cumbinada cun mondanità, avertezza ed üna gronda elasticità sociala.
In quist cudesch vain stampada per la prüma vouta l’autobiografia da quist pionier da l’on 1939 in rumantsch (original) ed in tudais-ch (traducziun 2020), cumplettada dad algordanzas da sia duonna. Las explicaziuns e commentars da l’editur, illustraziuns ed agiuntas dan invista ad ün’epoca vivainta e plazzeschan ils evenimaints da quel temp in lur context geografic, istoric, social e da famiglia
